Төслийн 3-р үе шатны нийгмийн хөгжил, жендэрийн үйл ажиллагааны төлөвлөгөөний хүрээнд барилга угсралтын улирал эхэлсэнтэй холбогдуулан барилгын ажлын явцад төсөл хэрэгжих байршлуудад барилгын машин механизм, том оврын тээврийн хэрэгслийн хөдөлгөөн нэмэгдэх үеэр замын хөдөлгөөнд дүрмийн дагуу оролцох, болзошгүй зам тээврийн осол гэмтлээс урьдчилан сэргийлэх ойлголт, мэдлэгийг хүүхдүүд, эцэг эх, асран хамгаалагчдад олгох сургалтыг Толгойт дэд төвийн 81, 111, 228, 272, 273-р цэцэрлэгүүдэд зохион байгууллаа. Цэцэрлэгийн бэлтгэл бүлгийн 4-5 насны 217 хүүхэд замын хөдөлгөөнд тээврийн хэрэгсэл болон явганаар оролцохдоо заавал мэдэх шаардлагатай аюулгүйн дүрмүүдийг заалгаж, замын хөдөлгөөний аюулгүй байдалд багш, асран хамгаалагчдын хамтаар суралцав. Сургалтыг Сонгинохайрхан дүүргийн Замын цагдаагийн хэлтсийн байцаагч, ахлах дэслэгч У. Мөнх-Ундрал удирдан чиглүүлж, замын хөдөлгөөний аюулгүй байдлын талаар таниулах хуудсуудыг оролцогчдод тараалаа.