Азийн Хөгжлийн банк болон Европын Хөрөнгө Оруулалтын банкны хөнгөлөлттэй зээлээр хэрэгжүүлж буй “Гэр хорооллыг хөгжүүлэх, хөрөнгө оруулалтыг дэмжих хөтөлбөр” төслөөс зарласан Олон Улсын нээлттэй тендер шалгаруулалтад Хүрд ХХК болон БНХАУ-ын “Шиншианг Гонгшэн Бойлер” ХХК түншлэл шалгаран, 2017 оны 7-р сарын 06-ны өдөр гэрээнд гарын үсэг зурлаа.

Уг гэрээ нь түлхүүр гардуулах нөхцөлтэй гэрээ бөгөөд гүйцэтгэгч компани байгаль орчинд ээлтэй, хамгийн сүүлийн үеийн шилдэг технологийн 26.8 мвт-ын хүчин чадал бүхий дулааны станцыг барьж 2019 онд бүрэн ашиглалтад оруулах юм.

Дулааны станц барих байршилд нийт 27 нэгж талбар өртсөн бөгөөд иргэд газраа богино хугацаанд чөлөөлж, бүтээн байгуулалтын ажлыг дэмжин оролцжээ.