ТЕНДЕРИЙН УРИЛГА

1. Монгол улсын Засгийн газар Азийн Хөгжлийн Банк (цаашид “АХБ” гэх)-наас “Улаанбаатар хотын Гэр хорооллыг хөгжүүлэх хөрөнгө оруулалтыг дэмжих хөтөлбөр-3”-ийг хэрэгжүүлэх зорилгоор зээл авсан ба энэхүү санхүүжилтийн тодорхой хэсгийг дээр дурдсан гэрээний хүрээнд хийгдэх төлбөрт ашиглана. Тендерийн шалгаруулалт нь АХБ-ны эрх бүхий орны харъяат тендерт оролцогчдод нээлттэй байна. 

2. Нийслэлийн Засаг даргын Тамгын газар нь (Цаашид “Захиалагч” гэх) эрх бүхий тендерт оролцогчдоос Толгойт дэд төвд хийгдэх ариутгах татуургын шугам суурилуулалтын ажил (цаашид “ажил” гэх)-ыг гүйцэтгэх тухай битүүмжилсэн тендер ирүүлэхийг урьж байна.

Гэрээний дугаар, нэр

Ажлын тодорхойлолт

TRDH11-A: Толгойт дэд төвд хийгдэх ариутгах татуургын шугам суурилуулалтын ажил

Ариутгах татуургын шугам: Нийт 3757.2м урт Ф100, Ф150, Ф200, Ф500, Ф600, Ф800, Ф1000мм хүртэл голчтой бохирын усны зөөлөн ширмэн хоолой ба бохир усны Ф1000мм голчтой худаг 6ш, ф1500мм -тай голчтой худаг 75ш, Ф1500мм голчтой үйлдвэрийн худаг 4ш, Ф2000мм голчтой үйлдвэрийн худаг 15ш, бохир усны уналттай тэгш өнцөгт 2000x2000мм хэмжээтэй цутгамал төмөрбетон худаг 8ш ханган нийлүүлж холбох ба угсрах; хэд хэдэн байршилд шугам хоолойн гэр хоолой угсрах;  Ариутгах татуургын шугамын трассд өртсөн гадна цэвэр усны шугам зөөн шилжүүлэх ажил Авто зам сүвлэх, нөхөн сэргээх ажил Ариутгах татуургын шугамын трассд өртсөн цахилгааны шугам сүлжээг зөөж шилжүүлэх ажил Төмөр зам доогуур бохир усны шугам сүвлэх ажил, инженерийн шугам сүлжээ зөөн шилжүүлэх  Газар чөлөөлөлтийн дараах талбайн цэвэрлэгээ, буулгалтын ажил

3. Энэхүү тендерийн шалгаруулалтыг АХБ-ны дотоодын өрсөлдөөнт тендер шалгаруулалтын аргаар явуулна.

4. Зөвхөн доор дурдсан чадварын үндсэн шалгуур үзүүлэлтийг хангасан эрх бүхий тендерт оролцогч энэхүү тендер шалгаруулалтад оролцоно:

4.1 Сүүлийн 5 жилд (2020, 2021, 2022, 2023, 2024 онуудад) ариутгах татуургын DN300-ээс дээш диаметртэй, 1 км-ээс багагүй урттай зөөлөн ширмэн яндан хоолойн ажлын угсралтыг хийж гүйцэтгэн, байнгын ашиглалтад оруулсан байх;

4.2 Санхүүгийн чадавхийн одоогийн байдлыг харуулах зорилгоор сүүлийн 3 жилийн (2022, 2023, 2024 онуудын) аудитаар баталгаажуулсан санхүүгийн тайланг илгээнэ. Тендерт оролцогчийн цэвэр хөрөнгийн доод хэмжээг нийт актив хөрөнгө ба нийт өр төлбөрийн зөрүүгээр тооцно. Энэхүү зөрүү нь дурын 2 жилд эерэг буюу ашигтай байвал зохино;

4.3 Сүүлийн 3 жилд (2022, 2023, 2024 онуудад) хэрэгжиж дууссан эсхүл хэрэгжиж байгаа гэрээт ажлын хүрээнд хүлээн авсан баталгаат төлбөрийн нийт дүнгээр тооцсон барилгын ажлын жилийн дундаж борлуулалтын доод хэмжээ нь 7.8 тэрбум төгрөг байна;

4.4 САНХ-4 маягтад тусгагдсан санхүүгийн эх үүсвэрт тавигдах шаардлагыг хангахуйц түргэн хөрвөх чадвартай хөрөнгө, зээлийн шугам эсхүл бусад санхүүжилтийн эх үүсвэрийг (гэрээний урьдчилгаа төлбөр үүнд хамаарахгүй) олж авах эрхтэй, эсхүл авах боломжтой гэдгээ илтгэн мэдээлэх шаардлагатай. Шаардлага хангахуйц түргэн хөрвөх чадвартай хөрөнгийн доод хэмжээ 1.95 тэрбум төгрөг байна;

4.5 Сүүлийн 5 жилд (2020, 2021, 2022, 2023, 2024 онуудад) амжилттай эсхүл үндсэнд нь гүйцэтгэж дуусгасан, мөн санал болгож буй ажилтай ижил төстэй нэгээс доошгүй гэрээт ажилд оролцсон байх, ингэхдээ тендерт оролцогчийн тухайн ажилд оролцсон ажлын үнэлгээ нь 4.5 тэрбум төгрөгөөс доошгүй байна. Тендерт оролцогчийн гүйцэтгэсэн ажлын ижил төстэй байдлыг Зургаадугаар бүлэг (Тодорхойлолт ба бусад шаардлага)-т тодорхойлсны дагуу тухайн ажлын биет хэмжээ, онцлог чанар, иж бүрдэл, арга барил, технологи болон бусад шинжэд үндэслэн тодорхойлно.

4.6 Эрх бүхий байгууллагуудаас олгосон, хүчин төгөлдөр дараах тусгай зөвшөөрлүүд шаардлагатай. Үүнд: 

Барилга, хот байгуулалтын яамны: БА-4.3, БА-4.1

Эрчим хүчний яамны: ТЗ-2.1 эсхүл Барилга, хот байгуулалтын яамны: БА-3.5

Хэрэв Гүйцэтгэгч нь Барилга, хот байгуулалтын сайдын 2018 оны 12 дугаар сарын 31-ний өдрийн Дүрэм шинэчлэн батлах тухай 217 дугаар тушаалаас өмнөх ажлуудын төрлөөр хүчин төгөлдөр тусгай зөвшөөрөл эзэмшиж буй бол Барилга, хот байгуулалтын сайдын 2018 оны 02 дугаар сарын 23-ны өдрийн Аргачлал батлах тухай 33 дугаар тушаалаар батлагдсан аргачлалаар дүйцүүлнэ. Тухайн тусгай зөвшөөрлийг гэрчилгээнд заасан хугацаанд хүчинтэй байхаар тооцно.

Гадаадын тендерт оролцогчдоос дээрх тусгай зөвшөөрлийг шаардахгүй болно. Гадаадын тендерт оролцогч нь дээр заасан, хүчинтэй тусгай зөвшөөрөлтэй дотоодын тендерт оролцогчтой (i) түншлэлийн гишүүн, эсвэл (ii) туслан гүйцэтгэгчийн хэлбэрээр нэгдэж болно.

5. Сонирхсон тендерт оролцогч нь procurement@ub-subcenter.mn цахим хаягт хандан бичгээр хүсэлт гаргаж, 350,000.00 төгрөгтэй тэнцэх буцаан үл олгогдох хураамжийг төлж, баримтын хамт илгээснээр тендерийн баримт бичгийг цахим хэлбэрээр хүлээн авна. Төлбөрийг дараах дансанд шилжүүлнэ.

For foreign transfers: Account Name: Ministry of Finance of Mongolia Details of payment: 101900011857 Bank Account No: 101900011857 Bank Name: State Treasury Bank of Mongolia, Bank Address: Ulaanbaatar, Mongolia SWIFT Code: STBMMNUB Correspondent bank: Kookmin Bank SWIFT Code: CZNBKRSE Account No (USD): 7968USD019

Дотоод шилжүүлэг: Дансны нэр:УБХГХХ,ХОДХТөс 2 MON-3099 урсгал Банкны хаяг: Төрийн сан, (MNT): 101900011856

6. Сонирхсон тендерт оролцогч тендерийн баримт бичиг болон бусад мэдээллийг дараах хаягаар авч болно. 

Холбоо барих хаяг: Улаанбаатар хотын Гэр хорооллыг хөгжүүлэх хөрөнгө оруулалтыг дэмжих хөтөлбөр, Соёлын төв өргөө-14141, 404 тоот өрөө

Сүхбаатар дүүрэг, 8-р хороо, Амарын гудамж-2, Улаанбаатар хот 14200 Moнгол Улс

Утас: +976 70003099

Цахим шуудан: procurement@ub-subcenter.mn  

7. Тендерийг дээр дурдсан хаягаар:

• Тендер хүлээн авах эцсийн хугацаа болох 2025 оны 07 сарын 22-ны өдрийн 15:00 цагаас /Улаанбаатарын цагаар/ өмнө,
• Тендерийн баримт бичигт шаардсан тендерийн баталгааны хамт ирүүлнэ. 

Хугацаа хоцорсон тендерийг хүлээн авахаас татгалзана. Тендерийг 2025 оны 07 сарын 22-ны өдрийн 15:05 цагт тендерт оролцогчдын төлөөллийг (хэрэв тэд оролцохыг хүсвэл) байлцуулан нээнэ.