“Гэр хорооллыг хөгжүүлэх, хөрөнгө оруулалтыг дэмжих хөтөлбөр” төслөөс дэд төвийн хороод буюу Сүхбаатар дүүргийн 14, 13, Чингэлтэй дүүргийн 14, 18 болон Сонгино Хайрхан дүүргийн 7, 8, 9, 10 дугаар хороодын ажилчдад төслийн нэгдүгээр шатны ажлын явцыг танилцуулах уулзалтыг 2017 оны 10-р дугаар сарын 5, 6-ны өдөр Сэлбэ болон Баянхошуу төвүүдэд тус тус зохион байгуулсан юм. Уулзалтад хороодын Засаг дарга нар, нийгмийн ажилтан, зохион байгуулагч, хэсгийн ахлагч гээд нийт 60 гаруй албаны хүн оролцон, төслийн ажлын явц, түүний үр дүн, мөн цаашид хийх ажлын мэдээлэлтэй танилцлаа. Төслийн нэгжийн зохицуулагч Д.Авирмэд болон мэргэжилтнүүд төслийн явц болон хийх ажлын төлөвлөлтийн талаар илтгэл тавилаа.

Илтгэлийн үеэр хороодын ажилтнууд сонирхсон асуултаа асуун төслийн явц болон төлөвлөлтийн талаар санал сэтгэгдлээ хуваалцав. Уулзалтыг зохион байгуулснаар хороодын ажилтнуудад төслийн хүрээнд өрнөж буй бүтээн байгуулалтын талаар тодорхой мэдээлэл өгөв. Энэхүү уулзалт нь төслийн ажлын явцын талаар дэлгэрэнгүй мэдээлэлтэй болгох, улмаар иргэдийг бүтээн байгуулалтад оролцуулах, хамтран ашигтай ажиллахад түлхэц өгөх ач холбогдолтой юм.

Сэлбэ дэд төвд барьсан 50 айлын түр суурьшуулах орон сууц буюу Сүхбаатар дүүргийн 14-р хороод хийсэн уулзалт. 2017 оны 10-р сарын 05