Төслийн 2-р үе шатны  жендэрийн үйл ажиллагааны төлөвлөгөөний хүрээнд охид эмэгтэйчүүдийн эсрэг хүчирхийллээс урьдчилан сэргийлэх зорилгоор  өсвөр насны охидод зориулсан “Охид эмэгтэйчүүдийн эсрэг хүчирхийллээс урьдчилан сэргийлэх нь” сургалтыг “Хөөрхөн Зүрх” ТББ-тай хамтран 2022 оны 3-р сарын 21-22-ны өдрүүдэд зохион байгууллаа. 

Сургалтанд  Дамбадаржаа дэд төвийн нутаг дэвсгэрт орших Сүхбаатар дүүргийн 58-р дунд сургууль, Дэнжийн мянга дэд төвд байрлах Чингэлтэй дүүргийн 57, 61-р дунд сургуулийн 12-18 насны 648 охид оролцож,  охид эмэгтэйчүүдийн хувийн орон зайн, олон нийтийн газар  учирч болох аюул, эрсдэл, хүчирхийллээс өөрсдийгөө хэрхэн хамгаалах, тусламж хэрэгтэй үед хаана, хэнд хандах болон цахим орчинд аюулгүй байдлаа хангах тухай ойлголттой боллоо.