Нийслэлийн Засаг Даргын Тамгын Газраас Азийн Хөгжлийн Банк болон Европын хөрөнгө оруулалтын банкны хөнгөлөлттэй зээлээр хэрэгжүүлж буй “Гэр хорооллыг хөгжүүлэх, хөрөнгө оруулалтыг дэмжих хөтөлбөр” төслийн багийнхан УИХ-ын гишүүн Д.Тэрбишдагва, БОАЖ яамны сайд Н.Цэрэнбат болон албны бусад хүмүүсд төслийн явцын талаар танилцуулах уулзалтыг 2018 оны 1-р сарын 27-ны өдөр хийлээ.
Хэсэгчилсэн Ерөнхий Төлөвлөгөөнд тусгасны дагуу Төслийн хүрээнд Сэлбэ болон Баянхошуу дэд төвүүдийг нийслэлийн хойд бүсийн хүн амд үйлчлэх худалдаа, соёлын үйлчилгээний төвлөрөл бүхий байгаль орчинд ээлтэй ногоон орчинг бүрдүүлсэн дүүрэг, бүсийн чанартай төв болгохоор зорин ажиллаж байна. Ингэснээр нэг төвтэй хотоос олон төвтэй хот болж зохисгүй төвлөрлийг сааруулах боломж бүрдэнэ.
Сэлбэ (162 га), Баянхошуу (156 га) дэд төвүүд нь нийт 318 га газар нутгийг хамрах ба инженерийн дэд бүтцэд болон нийгмийн зарим байгууламжийг барьж ашиглалтад оруулснаар эхний ээлжид 2 дэд төвд одоо оршин сууж буй нийт 7,220 өрхийн 28,533 иргэн төслийн үр шимийг хүртэх боломжтой. Өөрөөр хэлбэл, 7,220 өрх инженерийн дэд бүтэц болон нийгмийн хангамжаар хангагдсан эрүүл аюулгүй орчинд амьдрах боломжтой болно.
Улаанбаатар хотын хамгийн өндөр агаарын бохирдолттой бүсэд ордог Баянхошуу дэд төвийг төвлөрсөн дулааны шугамд холбосноор Одоо байгаа гэр хорооллын 14 812 айл өрх, 14 ширхэг Сургууль, цэцэрлэг, эмнэлгүүд дулааны шугамд хобогдож, Түүхий нүүрсний жилийн хэрэглээ 63,691.0 тн/жил Жишмэл түлшний жилийн хэрэглээ 31954 тн/жил буурч Агаарт хаягдах хорт бодисын хэмжээ жилд дунджаар 153,649.2 тонноор буурна.
Төслийн хүрээнд эхний ээлжинд Баянхошуу, Сэлбэ, Дамбадаржаа, Дэнжийн мянга гэсэн нийт дөрвөн дэд төв байгуулах суурь нөхцөлийг хангахаар ажиллаж байгаа ба газар чөлөөлөлтийн ажлыг эрчимжүүлж одоогийн байдлаар газар чөлөөлөлтийн явц 70 хувьтай явагдаж байна.
ХӨТӨЛБӨРИЙН БҮРЭЛДЭХҮҮН ХЭСЭГ:
1) Инженерийн дэд бүтцийн хангамж (дэд төвийн үндсэн шугам сүлжээ)
Авто зам, явган зам талбай/ далан, гүүр/
Ус хангамж, ариутгах татуургын шугам сүлжээ
Дэд төвийн доторх дулааны шугам сүлжээг эх үүсвэрийн хамт
Цахилгаан хангамж, мэдээлэл холбооны сүлжээ
Инженерийн байгууламж үерийн далан суваг
2) Нийгэм, эдийн засгийн барилга, байгууламж
240 хүүхдийн цэцэрлэг
Бизнес инкубатор
