“Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөр” төслийн зүгээс Дамбадаржаа дэд төвийн Сүхбаатар дүүргийн 16, 17-р хорооны иргэд, оршин суугчид, хүүхэд залуучуудад замын хөдөлгөөний аюулгүй байдлын мэдлэг, мэдээлэл олгох, сурталчлан таниулах зорилгоор 2023 оны 7 сарын 1-ний Бямба гарагт “Замын хөдөлгөөний аюулгүй байдал” сэдэвт өдөрлөгийг Сүхбаатар дүүргийн 58 дугаар сургуулийн спорт талбайд зохион байгууллаа. 

Өдөрлөгт УБХГХХХОДХ төслийн зүгээс Дамбадаржаа дэд төвд хийгдэж буй болон хийхээр төлөвлөгдөж буй ажлын танилцуулга, 17-р хорооны нутаг дэвсгэрт хийгдэж буй Авто зам, инженерийн шугам сүлжээний ажлын танилцуулга хийгдсэн ба ажил хийгдэх үед иргэд, зорчигчдын зүгээс аюулгүй байдлаа хэрхэн хангах талаар мэдээлэл өгч, Тээврийн цагдаагийн албаны урьдчилан сэргийлэх хэлтсийн мэргэжилтэн замын хөдөлгөөний аюулгүй байдлын талаар сургалт явуулсан. Хүрэлцэн ирсэн иргэд, хүүхдүүдийн дунд төслийн зүгээс АХА тэмцээн, хүүхдийн дугуйн уралдаан зохион байгуулсан. 

Сүхбаатар дүүргийн 16, 17-р хорооны 92 иргэдэд замын хөдөлгөөний дүрэмд аюулгүй байдлаа иргэд болон хүүхдүүд хэрхэн хангах, шөнийн болон өдрийн цагаар замаар зорчихдоо юуг анхаарах, жолоо барьж байхдаа хүүхдийн аюулгүй байдлыг хэрхэн хамгаалах талаар болон зам, инженерийн шугам сүлжээний  ажил явагдаж байгаа үед барилгын талбайн ойр орчимд тээврийн хэрэгсэл барьж байгаа болон явган зорчиж байгаа үед анхаарах зүйлсийн талаар мэдээлэл өгч, амьдралд гардаг бодит жишээг видео хэлбэрээр үзүүлсэн нь иргэдэд маш чухал мэдлэг өгсөн арга хэмжээ боллоо. Мөн АХА тэмцээний үеэр замын хөдөлгөөний дүрмийн асуултууд тавигдсан.