Нийслэлийн дэд бүтэц, гэр хорооллын асуудал хариуцсан орлогч дарга, НИТХ-ын төлөөлөгч П.Баярхүү, “Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөр” төслийн зохицуулагч Д.Авирмэд, Нийслэлийн хөрөнгө оруулалтын газрын Барилга захиалагчийн хэлтсийн алба хаагчид болон бусад албаныхан 2018 оны 7-р сарын 30-ны өдөр “Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөр” төслийн хүрээнд Сэлбэ дэд төвд хийж буй бүтээн байгуулалтын ажлын явцтай танилцлаа.

Энэ үеээр Нийслэлийн дэд бүтэц, гэр хорооллын асуудал хариуцсан орлогч дарга, НИТХ-ын төлөөлөгч П.Баярхүү Сэлбэ дэд төвийн бүтээн байгуулалтуудын ажлын явцыг эрчимжүүлж хяналт шаардлагыг өндөржүүлэх тал дээр анхааран ажиллах шаардлагатайг санууллаа.

Төсөл нийт 3 үе шаттайгаар 9 жилийн хугацаанд хэрэгжих бөгөөд, нэгдүгээр шатны хүрээнд Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн чиг хандлага баримт бичиг хэрэгжүүлэхтэй холбоотойгоор Улаанбаатар хотын агаар, хөрсний бохирдлын эх үүсвэрийг бий болгож буй хотын хойд хэсэгт байрлах Баянхошуу, Сэлбэ орчмын гэр хорооллыг хотын дэд төв болгон хөгжүүлэх юм.

Сэлбэ дэд төвд:&

1. Дэд төвийн инженерийн хангамжийн шугам сүлжээ ажлын явц /СБД 13, 14-р хороо, ЧД-н 14, 18-р хорооны нутаг дэвсгэрт 156 га талбай/

1.1. Автозам- 6.8 км

1.2. Дулааны шугам -9.97км

1.3. Усан хангамж -11.9км

1.4. Ариутгах татуурга –12.5 км хийхээс Чингэлтэй дүүргийн 18-р хороонд нийт 3 байрлалд ариутгах татуургын ажил эхлээд байна.

2. Усан сан

2.1. Усан сан – Усан сангийн суурийн цутгалт дуусч, гадна ханын угсралт хийгдэж байна.

2.2. Насос станц, ус дамжуулах шугамын D-250 диаметртэй SRTP хоолойн материал таталт хийгдэж угсралтын ажлыг эхлүүлээд байна. 

3. Үерийн далан /Нийт 7 газарт 2.1 км урттай үерийн хамгаалалтын далан барихаас 481м уртыг одоогоор хийж гүйцэтгээд байна. /

Мөн ногоон байгууламж, хүүхдийн тоглоомын талбай болон сагсны талбай барьж тохижилтын ажил хийхээр төлөвлөсөн байна.

4. 3420 өрхийг дулаанаар хангах 26.6 МегаВатт Дулааны Станцын барилгын суурийн ажил эхэлж байна.

5. 60м, 30м, 24м урттай төмөрбетон гүүрийн ажил хийгдэнэ.

6. 240 хүүхдийн цэцэрлэг болон Бизнес инкубатор, МСҮТ барилга баригдана.

7. Цахилгаан хангамж (35/10килоВольт дэд станц, 4.2 км урт 35 килоВольт, 6.0 км урт 10 килоВольтийн кабель шугам болон 2 ширхэг 2х630кВА хаалттай дэд өртөөний барилга угсралтын ажил хийгдэнэ.)

8. Чингэлтэй үерийн далан дагуухи тохижилт- 3.01 га-д тохижилт хийгдэнэ.