“Гэр хорооллыг хөгжүүлэх, хөрөнгө оруулалтыг дэмжих хөтөлбөр” төслийн хүрээнд дэд төвийн хүн амын сургуулийн өмнөх боловсролд хамрагдах байдлыг нэмэгдүүлэх зорилгоор хүүхдийн цэцэрлэгийн барилгыг 2018 онд ашиглалтад оруулахаар төлөвлөсөн. Тус цэцэрлэгийн барилга угсралтын ажлын тендерт “Ус Орчин” ХХК гүйцэтгэгчээр шалгарч, 2017 оны 9-р сарын 14-ний өдөр талууд гэрээнд гарын үсэг зурлаа. 240 хүүхдийн багтаамжтай цэцэрлэгийг Монгол улсын стандартыг хангасан тоног төхөөрөмж, хэрэгслийн хамт хүлээлгэн өгнө.