"Гэр хорооллыг хөгжүүлэх хөрөнгө оруулалтыг дэмжих хөтөлбөр" Төслийн хүрээнд Улаанбаатар хотод шинэ дэд төвүүд бий болгох суурь инженерийн дэд бүтцийн ажлуудаас гадна нийгмийн хангамжийн бүтээн байгуулалын ажлууд өрнүүлж байна. Эдгээрийн нэг нь Баянхошуу дэд төвд барьсан бизнес инкубтор сургалтын төв юм. Иргэн та тус төвөөр дамжуулан Нийслэлийн үйлчилгээний нэгдсэн төв, Бизнес Эрхлэгч Эмэгтэйчүүдийн төв, "УЛААНБААТАР ИННОВАЦЫН ТӨВ, "Ур чадварыг хөгжүүлэх нь" мэргэшүүлэх сургалтын төсөл зэрэг дотоодын болон олон улсын төсөл хөтөлбөрүүдэд хамрагдан дараах үйлчилгээнүүдийг авах боломжтой.

Үүнд:

1. НИЙСЛЭЛИЙН ҮЙЛЧИЛГЭЭНИЙ НЭГДСЭН ТӨВ:

Нийслэлийн Үйлчилгээний нэгдсэн төвөөр дамжуулан нутгийн захиргааны байгууллагын 287, Засгийн газрын харьяа агентлагуудын 99, нийт 386 үйлчилгээг хүргэнэ. Ингэснээр иргэн Та Төрийн үйлчилгээг нэг дороос Цаг алдалгүй, Түргэн шуурхай Авах боломжтой.

2. БИЗНЕС ЭРХЛЭГЧ ЭМЭГТЭЙЧҮҮДИЙН ТӨВ

Азийн сангийн дэмжлэгтэй Бизнес эрхлэгч эмэгтэйчүүдийн төв нь эмэгтэйчүүдэд бизнес эрхлэх, өсөж хөгжих болон бизнес эрхлэх экосистемийг бий болгоход чиглэсэн олон төрлийн үйлчилгээг хүргэх юм.

3. “УЛААНБААТАР ИННОВАЦЫН ТӨВ

нь ая тухтай хамтын оффисоор хангаж, инновацын соёлыг түгээн дэлгэрүүлэх, хүний нөөцийн чадавхыг сайжруулах, оролцогч талуудын хамтын ажиллагааг хөгжүүлэхэд чиглэсэн арга хэмжээ, гарааны бизнесийг бойжуулах инкубаторын үйлчилгээ, бараа бүтээгдэхүүн, үйлчилгээний анхны загварыг турших боломж бүхий лабораторийн үйлчилгээг тус тус үзүүлнэ.

4. "УР ЧАДВАРЫГ ХӨГЖҮҮЛЭХ НЬ" ТӨСӨЛ

Түүнчлэн Иргэн Та Баянхошуу Бизнес инкубатор сургалтын төвөөс Германы Олон Улсын Хамтын Ажиллагааны Нийгэмлэг, болон Азийн Хөгжлийн Банкны "Улаанбаатар Хотын Гэр Хорооллыг Хөгжүүлэх, Хөрөнгө Оруулалтыг Дэмжих Хөтөлбөр"-өөс хамтран хэрэгжүүлж буй "Ур чадварыг хөгжүүлэх" төслийн хүрээнд хэрэгжүүлж буй сургалтуудад хамрагдах боломжтой.

Үүнд:

- барилгын сантехник, бетон арматур, цахилгаан, засал чимэглэл болон гагнуур

- урт болон богино хугацааны ажлын байран дээрх мэргэшүүлэх сургалтуудад

хамрагдан гэрээт гүйцэтгэгч болон аж ахуйн нэгж байгууллагуудад дадлагажин ажлын байранд зуучлуулах зэрэг үйлчилгээ, мэдээллүүдийг авах боломжтой юм. Баянхошуу Бизнес Инкубатор сургалтын төв нь Сонгинохайрхан дүүргийн 8 дугаар хороо, Баянцагааны 10-р гудамд байрлаж байна.