Нийслэлийн Засаг Даргын тамгын газраас Азийн Хөгжлийн банк болон Европын Хөрөнгө Оруулалтын банкны хөнгөлөлттэй зээлээр хэрэгжүүлж буй “Гэр хорооллыг хөгжүүлэх, хөрөнгө оруулалтыг дэмжих хөтөлбөр” төслийн хүрээнд Улаанбаатар хотын цэвэр ус дамжуулах болон бохир ус зайлуулах шугам сүлжээг өргөтгөн, шинэчлэх ажлуудыг хийхээр төлөвлөсөн. Хүнсний 72-р дэлгүүрээс Орос 14-р сургуулийн орчимд байрлах Төв коллектор хүртэлх шугамыг ф400 мм болгож өргөтгөх ажлын тендерт “Модерн Хас” ХХК болон “Монгол менежмент төв” ХХК-иудын түншлэл шалгарч, 2017 оны 10-р сарын 16-ны өдөр гэрээ байгууллаа. Энэхүү өргөтгөлийг хийснээр тус бүсэд байгуулах дэд төвийн цэвэр, бохир ус зайлуулах шугамын хүчин чадал эрс нэмэгдэх юм.